寶膳餐廳

营业中

休息中

鸭脷洲，除非你喺果度住，唔喺一定好少嚟。其实有咗地铁之后嘅鸭脷洲已经非常方便，热闹不少。今晚就嚟呢度揾食。位于鸭脷洲大街嘅宝膳餐厅，西餐格局，亦有情调。打开餐牌，锯扒，意粉嘅大路西餐嘢。炭烧美国安格斯肉眼扒 $218 (套餐)网纹加上炭烧香，未食已经对住肉眼扒流口水。五成熟的肉眼扒又腍又juicy，口感鲜嫩，份量又够多。加配薯条稍粗身，香脆热辣辣，口感不错。酥炸软壳蟹配海鲜番茄忌廉意大利饭 $168除咗大大只酥炸软壳蟹，仲有鱿鱼，虾，带子等海鲜衬托，非常丰富。炸软壳蟹香脆，油腻感不强烈。意大利饭饭粒分明，番茄忌廉汁充份融入饭粒中，钟意食意大利饭的应该会收货。香煎法式鹅肝多士 $98大大块鹅肝煎得香口，入口即溶，连埋下面嘅脆多士，就算再邪恶都会忍唔住会食。朱古力心太软配雪糕 $68切开心太软有澎湃又令人看得治愈的流心。热辣辣心太软配冻冰冰雪糕，冷热共融，十分享受。最后以一杯有水准的咖啡作结。