叄瘋 (已結業)

中午同朋友黎到位于鸭脷洲嘅叁疯cafe。食物款式唔算多，但胜在每一款都落足心机。两个人点咗两个主食，分别系自家制蕃茄酱虾肉意大利饭同竹炭咸蛋黄盐酥鸡汉堡配炸甜番薯薯条，随餐送一杯冬瓜茶。再额外叫咗黑份松露杂菌蛋饼。 蕃茄意大利饭蕃茄味极浓， 果种浓味唔系茄膏，而系实实在在嘅蕃茄味。 意大利饭软硬适中。 盐酥鸡竹炭汉堡系一个比较新颖嘅配搭 配上流质嘅沙律酱汁， 咬落去好juicy， 令人食指大动。 冬瓜茶唔会过甜， 最适合食完咸蛋黄炸鸡汉堡依啲既邪恶又油腻嘅食物之后解下腻。 埋单二百七十蚊左右， 下次行开鸭脷洲都不妨一试。