蟹點

营业中

休息中

去南区Staycation 行完outlet试下呢间餐厅～ 餐厅主打食蟹，仲有潮州、泰国、中式小菜等等，好多选择～ 先饮杯泰式咖啡、泰式奶茶，消消暑～ 卤水鹅件鹅件啖啖肉够嫩滑，肥美皮层好有弹性光泽，油香丰盈。伴碟既花生、不老不柴既卤豆腐，芽菜都好吸汁入味。可以点白醋食，酸酸地几开胃，要彻底细味卤水汁液精华，最直接就系连骨啜，味道香浓不咸。🦀招牌白胡椒蟹食蟹要原汁原味，点可以唔徒手揸住食？呢度就有胶手套同围裙提供超贴心～ 尽情唔洗顾仪态连汁带肉享用。原只肉蟹煮熟整齐放系铁板上，侍应即席系橙红色蟹身旁淋上白胡椒汁，发出连串喳喳声，充斥胡椒跟洋葱气味，真系色香味俱全味道方面对比黑胡椒刚性强劲既冲击力，白胡椒明显带出温文柔和既香气感，配合蟹肉自身鲜味，一食深深爱上。破开手掌般大蟹钳外壳，肉厚既程度无得输。蟹身可食用既肉唔少，内藏既蟹羔鲜滑清甜，食完舐舐脷！潮式蚝仔肉碎粥一大窝足够4人享用，米水既比例平均。粒粒蚝仔胀卜卜，多汁饱满。生菜包配猪肉青绿生菜平放掌心，加入鲜嫩多汁免冶猪肉，将菜叶包卷就食得。肉碎夹杂辣椒籽香叶配料、鱼露调味，香辣感更持久，咀嚼肉碎时爆汁力强。