食記餐廳

营业中

休息中

放假最好就系捐窿捐罅揾好嘢食， 由于我唔系住喺南区， 所以鸭脷洲对我嚟讲已经好偏远嘅地方😂 今次嚟到鸭脷洲大街， 当然要试试附近嘅街头小食啦。之前睇杂志都有报道介绍过呢一间食记餐厅， 我哋二话不说就叫咗两碗同鱼肉有关嘅嘢食， 分别系生菜鱼肉碗仔翅同埋生菜鱼肉。 店员拎畀我哋嘅时候，我哋都不禁哇咗一声，好足料丫，啲鱼肉果然系名不虚传， 非常非常之弹牙， 唔怪得知咁多人嚟帮衬啦！另外我哋仲叫咗只炸肶， 好大只吖! 净系睇卖相都已经够吸引， 虽然睇落好多炸粉， 但系其实 个皮唔算炸得好厚， 入面啲肉都唔会炸都好"鞋"，正！哩啲小店香港真系买少见少， 各位经过香港仔or鸭脷洲嘅时候都真系要去试下呀！ 真心推荐!