影片
更多
2020-06-18
502 浏览
[🍡街头小食🍡] 食记餐店/一间位于南区鸭脷洲嘅街边小食店，开正喺大马路旁🚕，店舖系开放式，冇冷气🔥，座位少，空间较窄，有部分座位要摆喺街边，有种传统大排档嘅感觉。有人觉得坐得好唔舒服，环境污糟💨；亦有人觉得咁先系特色，系街边食野有别一番风味。不过快快食完小食嘅我，当然唔介意呢种环境啦🤷🏻♀️！/生菜鱼肉 🥬 ($20)碗仔翅鱼肉 🐟 ($20)-首先会讲下鱼肉，呢间店舖嘅鱼肉做法系全港独一无二，一般街舖嘅做法系用鲮鱼肉切条，一系带腥，一系有陈皮味，拎嚟煮粉/做𩠌就OK，做小食入面嘅主食就唔太吸引☹️。 而呢到嘅鱼肉，系用咗鲜鱼沟入面粉，搞拌后再切条而成，然后放入热汤煮熟。望落晶凝通透，口感软滑、爽口、弹牙🦷，非常有趣味。而且面粉比例得宜，食落唔会太浆或太粉。另外，鸭脷洲本身系渔民区🎣，要拎到鲜鱼做原料其实唔难，所以呢种鱼肉食落带鲜甜味，冇半点腥味，成个Package系出面复制唔到。而鱼肉份量好多，堆满成只碗，做下午茶就啱啱好，但对于细食嘅人可以做正餐。要注意鱼肉入面捞咗少许葱粒，唔食葱嘅朋友就未必钟意食呢个。-鱼肉的确令人耳目一新，但不得不赞嘅系生菜鱼肉个汤底🍲。汤底用咗鱼汤，虽有加味
/
一间位于南区鸭脷洲嘅街边小食店，开正喺大马路旁🚕，店舖系开放式，冇冷气🔥，座位少，空间较窄，有部分座位要摆喺街边，有种传统大排档嘅感觉。有人觉得坐得好唔舒服，环境污糟💨；亦有人觉得咁先系特色，系街边食野有别一番风味。不过快快食完小食嘅我，当然唔介意呢种环境啦🤷🏻♀️！
/
生菜鱼肉 🥬 ($20)
碗仔翅鱼肉 🐟 ($20)
-
首先会讲下鱼肉，呢间店舖嘅鱼肉做法系全港独一无二，一般街舖嘅做法系用鲮鱼肉切条，一系带腥，一系有陈皮味，拎嚟煮粉/做𩠌就OK，做小食入面嘅主食就唔太吸引☹️。 而呢到嘅鱼肉，系用咗鲜鱼沟入面粉，搞拌后再切条而成，然后放入热汤煮熟。望落晶凝通透，口感软滑、爽口、弹牙🦷，非常有趣味。而且面粉比例得宜，食落唔会太浆或太粉。另外，鸭脷洲本身系渔民区🎣，要拎到鲜鱼做原料其实唔难，所以呢种鱼肉食落带鲜甜味，冇半点腥味，成个Package系出面复制唔到。而鱼肉份量好多，堆满成只碗，做下午茶就啱啱好，但对于细食嘅人可以做正餐。要注意鱼肉入面捞咗少许葱粒，唔食葱嘅朋友就未必钟意食呢个。
-
鱼肉的确令人耳目一新，但不得不赞嘅系生菜鱼肉个汤底🍲。汤底用咗鱼汤，虽有加味精，但暖暖哋饮落亦好清甜，唔系淡而无味果种。配合鱼肉系出奇地夹，加入少少麻油同胡椒粉，更带出味道，宁舍开胃，好味到会忍唔住饮埋佢。而生菜选用西生菜🥬铺底，汤底热度适中，冇整淋哂啲生菜，做到「玻璃」效果，食落清甜爽脆，亦衬托返鱼肉。
-
至于碗仔翅味道就同出面大同小异，甜咸适中，加入麻油更香但带腻，建议加返醋好啲。色水深浅度都满意，落咗唔少瘦肉丝同蛋花🥚，有嘢嚼下，唔会净饮太闷。但系鱼肉同碗仔翅本身都系饱肚食物，两者混合埋，食到一半会有些少厌同济嘅感觉，所以我会钟意生菜鱼肉多啲🤔。
/
煎肠粉 🌀($14)
一嚟到就望到落咗好多豉油同甜酱，明显重手咗，食落偏咸，就算有唔少甜酱，都中和唔返🤢。而且望落都充满油光，可想而知入口系非常油腻。肠粉始终系外来货，口感偏粉同实，有部分位置甚至干硬，应该系有啲煎过咗龙，唔太推荐。
/
对于南区街坊，呢间开咗好多年嘅小店应该都唔会陌生，佢仲有唔少炸物都好卖得，有炸鸡翼🐓、云吞、烧卖、鱼蛋、麦乐鸡，甚至连蕃薯🍠都有。
-
每一次推介朋友嚟，都唔会失望，品嗜到「鸭脷洲原味道⛵️」。不过呢间家族小店，多年嚟累积咗唔少人气，所以开门日子都好唔稳定，大远水路嚟拜访嘅朋友，就要睇运气喇🌟！
张贴
