龍鳳號 (裝修中)

同事介绍呢间餐厅好好味，可惜返工时间lunch time长期超多人，放假同小朋友一齐黎食。门口就有水供应，好细心，就算平时排队都有啖水饮下。但我黎得台式餐厅一定饮珍珠奶茶，奶绿仲好饮，有少少绿茶苦涩味，珍珠烟勒，呢度系沟燕麦奶感觉更加健康。叫咗一碗卤肉饭，配卤水猪耳，仲有呢度嘅招牌鸭舌，首先讲卤肉饭，味道浓郁，猪肉肥瘦适中，好香好味。鲁肉饭本身肉都好多，其实一碗饭都已经好精彩，卤水猪耳唔系咁多地方有得食，我哋叫咗试吓非常有惊喜，好入味好爽口。但最正系个鸭舌，我以为系好似台湾咁只系普通卤水味，但佢原来用咗秘制酱汁，有洋葱有䓤一齐食，超级好食，仲有酱汁用嚟捞饭一流，加上佢好入味，连小朋友都食到唔停口，我亦都估唔到小朋友几岁人仔原来咁钟意食鸭舌，呢度我哋真系因为呢碟鸭舌一定会再嚟。