鼎王麻辣鍋 (The LOHAS) (已結業)

身为一个火锅控，当然目标要试匀晒甘多间好食火锅店。汤底当然要试下麻辣同酸菜白肉汤底，最正系2样都可以无限追加，鸭血酸菜都系我至爱！鸭血滑溜溜，每块都好厚，一啲都唔腥。至于酸菜可以选择自己喜欢既酸度，叫左中等酸度，都几惹味，好开胃。细心啲睇汤锅系一个鼎，好特别。麻辣汤底唔会愈食愈无味, 反而愈食愈浓，辛香扑鼻。我地点左梅花猪肉：猪肉味重，但唔会太肥腻。蛋饺：蛋皮包住猪肉，味道又几夹。新鲜虾滑：好大旧，入面仲有原只虾，餐厅职员仲帮我地放落锅度渌，好细心。浓香豆皮：炸到脆卜卜，放落汤几分钟就食得，正！