影片
更多
2021-02-25
3186 浏览
今日约咗朋友行上狮子山，由大围出发，直接行上「红梅谷」起步，由于今日嘅拍档都喺行山好手，所以，一股作气上到狮头，比预计嘅时间快。起步前就约埋一齐先食个晏，拣咗「阿爷烧鹅餐室」，因为老友推介佢哋嘅鹅油捞面。 门面有啲似中菜馆，但入到去其实同茶记差唔多，左右两边喺卡位，中间就一张张4人枱，餐厅尾墙上印有个大大只「阿爷」嘅招牌，此外，装修都喺走简约路线，最紧要喺地方干净企理。仲唔喺茶记模式，所有餐具、纸巾、调味包就放晒晌枱下嘅横拉柜桶，比起就咁放晌枱面卫生啲。短短半个钟头嘅用餐，见到唔少街坊帮衬，翻枱转数都几快、几密。食物方面，除晌茶记常见嘅常餐、特餐、一人餐、二人餐……等等之外，其余嘅就哋碟头饭，不过，就以自家制烧味作唔同组合。 仲有一款超值套餐，包小食、主食、蔬菜及餐饮，只喺$58，真喺好划算。但一心一意嚟食烧鹅，但呢个餐无得拣，所以，就选番另外啲碟头嘢。阿爷烧鹅火腩仔双拼饭 $62老友要「浪漫」，所以，拣咗烧鹅拼火腩仔，由于一阵食完就起步，故此改为少饭，嚟到嘅碟头真喺𩠌多过饭。烧鹅嘅味道等阵由我分享，但佢话啲烧腩仔真心唔错，切成细细嚿，一口一嚿啱啱好，肥瘦相间得嚟，又唔会太多见膏，咸香
门面有啲似中菜馆，但入到去其实同茶记差唔多，左右两边喺卡位，中间就一张张4人枱，餐厅尾墙上印有个大大只「阿爷」嘅招牌，此外，装修都喺走简约路线，最紧要喺地方干净企理。
仲唔喺茶记模式，所有餐具、纸巾、调味包就放晒晌枱下嘅横拉柜桶，比起就咁放晌枱面卫生啲。
短短半个钟头嘅用餐，见到唔少街坊帮衬，翻枱转数都几快、几密。食物方面，除晌茶记常见嘅常餐、特餐、一人餐、二人餐……等等之外，其余嘅就哋碟头饭，不过，就以自家制烧味作唔同组合。
仲有一款超值套餐，包小食、主食、蔬菜及餐饮，只喺$58，真喺好划算。但一心一意嚟食烧鹅，但呢个餐无得拣，所以，就选番另外啲碟头嘢。
阿爷烧鹅火腩仔双拼饭 $62老友要「浪漫」，所以，拣咗烧鹅拼火腩仔，由于一阵食完就起步，故此改为少饭，嚟到嘅碟头真喺𩠌多过饭。烧鹅嘅味道等阵由我分享，但佢话啲烧腩仔真心唔错，切成细细嚿，一口一嚿啱啱好，肥瘦相间得嚟，又唔会太多见膏，咸香而松化，外皮仲喺卜卜脆。
阿爷烧鹅叉烧双拼鹅油捞面 $72小弟就拣咗叉烧拼烧鹅，如一般面店咁，嗌捞面都会奉送一碗清汤，但呢碗绝对唔喺清汤，虽然唔知喺乜，但浓而不浊。先试啲烧味，叉烧唔太肥，啱我，既有蜜糖香，又加少少浓边，好食。烧鹅果然喺主打，外皮有光泽，咬落皮脆肉嫩，仲带点点烟熏感嘅油香，沾点酸梅酱，令烧鹅食起嚟更有风味。蚝油捞面食得多，鹅油捞面就第一次，面条捞咗鹅油，出奇地唔觉话好「油淋淋」，反而，又真哋香咗好多，听人讲话鹅油有益，真喺未查证过，唔知坚定流。
热奶茶、热斋啡睇餐牌啲碟头嘢无话包嘢饮，问问阿姐，其实喺包基本热饮，转冻饮或特饮就惯例加钱。谂住喺「茶记」，热奶茶喺稳胆，但今次例外，杯奶茶一般般，茶底未够香，反而，友人话佢杯斋啡几好，香醇唔带酸味，合佢心水。
见佢哋午市真喺客似云来，所以，都费事抖大耐阻人做生意，食饱真起行，向狮山进发。
张贴
