Burgeroom (美麗華廣場1期) (已結業)

今日嚟到尖沙咀食汉堡~ 呢间都几隐蔽，我同朋友兜咗几个圈先揾到。餐厅系半自助形式咁，要去cashier先点餐同比钱，再等waiter送餐。虽然系汉堡，但一啲都唔平架！可以跟自己喜好去加配料落汉堡，我朋友就加咗块佢至爱嘅菠萝呢个大烤菇芝士汉堡卖相唔错，一打开就见到块牛好juicy，不得不讲块包烘得啱啱好，外脆内软。但自问唔系好识点样食大份嘅汉堡，最后食到五马分尸咁呢个就鹅肝牛肉汉堡！本身对汉堡餐厅嘅鹅肝不予寄望，但真系一试难忘。块鹅肝好弹，食落非常嫩身，只有外层系较为实，入面软得嚟又锁住肉汁，非常高质。切开睇，鹅肝做到五成熟，外面金黄色，入面带粉红，真系好有惊喜！有啲后悔自己无叫到呢款汉堡。虽然系汉堡，但份量非常足料，我地食完都已经好饱。