Burgeroom (美麗華廣場1期) (已結業)

食肉兽今晚想食啲好邪恶嘅嘢去咗食鹅肝汉堡同埋邪恶薯条，超级大满足！Burgerroom系一间历史好耐嘅汉堡店，选择好多，仲可以加好多唔同配料！小食都好多选择，完全系眼阔肚窄！啤酒都有好多款～今晚真系好想食鹅肝⋯先嗌咗一个鹅肝薯饼，将两样最肥嘅嘢摆埋一齐，系超级邪恶不过好好味好满足 薯饼真系炸得非常香脆仲好食过麦xx！鹅肝汉堡加咗烟肉同埋煎蛋份量十足，两个人share都够食，旁边有少少沙律，减低邪恶感；另外仲要咗扭扭薯条，又系整得超好味、够浓味又够香脆。食完咁多热气嘢饮返杯冰冻啤酒，好满足。呢度人流唔算好旺，可以慢慢坐同朋友食饭倾偈，系一个唔错嘅地方。