原居民 (已結業)

路经呢度见到有间环境不错嘅西餐厅，决定同妈咪试一试。上到餐厅一开门感觉环境微微昏暗，令人格外舒服relax 。晚上有供应set dinner，一坐低侍应放上nachos脆脆小食，同巨型黑版餐牌系张櫈，好搞笑。个set内容丰富，有热热脆口蒜蓉包，头盘，雪芭同主菜。头盘我拣咗大虾芒果汁火箭菜沙律，大虾真大只，火箭菜配芒果汁，爽口份外滋味。上主菜前送上雪芭。主菜我拣咗鹅肝牛扒，鹅肝煎得好香好味，牛扒牛味十足，肉质带点咬劲，配上酱汁，提升了牛扒的鲜甜味，配菜蓉打得非常软滑，加上杂菌的香气，令人食指大动。甜品佢地推介出名嘅梳乎厘，味浓郁，嫩滑，为今晚画上完美句号。