棋哥燒鵝餐室

营业中

休息中

今日系去书展嘅大日子， 去之前梗系医饱个肚先，系人都知道会展入面啲食物好贵。于是乎就去咗鹅颈桥底下嘅呢一间烧味舖食饭 ，叫咗一个烧鹅五宝饭 ，同埋一杯冻柠茶。 烧鹅五宝饭入面有烧鹅、叉烧、油鸡、红肠同咸蛋 。首先要赞好既系佢既烧鹅 ，真系好香好好味， 外面块皮仲有少少脆脆地 ，脂肪唔多但系又有少少，恰到好处，咬落去啲肉香即刻充满晒成个口腔。另外佢个叉烧亦都系一绝， 绝对唔肥，份量都好足够。 佢个油鸡亦都系充满豉油嘅香味 ，鸡身好嫩滑， 十分之满足嘅一餐。