影片
更多
2024-12-10
707 浏览
东来顺始创于北京以纯正铜铸锅「涮羊肉」而闻名，而且佢仲曾经入选2013年嘅米芝莲一星级餐厅。今次嚟唔打边炉，搞搞新意试吓佢哋嘅淮扬菜前菜 - 水晶羊肉，花雕醉鸡，无锡脆鳝，凉拌乌笋~以为呢到主打羊肉应该系最好食，但食落羊味唔突出。反而个脆鳝够香酥，带甜嘅调味加埋姜丝更加有层次，送白酒一流。花雕醉鸡够滑，酒味香而不涩再嚟就系佢哋就系呢款获得香港旅发局'美食之最大赏'-金奖名菜 - 鹤湖蟹影以蟹肉、蟹黄、龙虾加埋咸蛋黄制成嘅馅料，放在脆卜卜锅巴上面，啖啖都系蟹嘅鲜甜 （again，最啱啦懒人食完）最得意系佢哋伴碟嘅蟹形啫喱竟然系由姜茶制成，得意又有心思~花胶三丝羹配芝麻薄饼 - 个汤羹正正常常啦，反而个芝麻薄饼有惊喜㖞，充满芝麻香，入口脆身，香气四溢~松子鱼块 - 一整个茄汁味？同甜酸味都好似过火咗，抢晒鱼味同松子香。百页小棠菜 - 唔错，上汤鲜美唔口渴，小棠菜够爽甜~东来顺炒饭 - 一碗有齐牛，羊，同虾，炒得算干身而且用料丰富但真系无乜记忆点~😂冬瓜凉粉桂花糖水 - 好清新解腻，桂花味够出，出色
东来顺始创于北京以纯正铜铸锅「涮羊肉」而闻名，而且佢仲曾经入选2013年嘅米芝莲一星级餐厅。今次嚟唔打边炉，搞搞新意试吓佢哋嘅淮扬菜
前菜 - 水晶羊肉，花雕醉鸡，无锡脆鳝，凉拌乌笋~以为呢到主打羊肉应该系最好食，但食落羊味唔突出。反而个脆鳝够香酥，带甜嘅调味加埋姜丝更加有层次，送白酒一流。花雕醉鸡够滑，酒味香而不涩
再嚟就系佢哋就系呢款获得香港旅发局'美食之最大赏'-金奖名菜 - 鹤湖蟹影以蟹肉、蟹黄、龙虾加埋咸蛋黄制成嘅馅料，放在脆卜卜锅巴上面，啖啖都系蟹嘅鲜甜 （again，最啱啦懒人食完）最得意系佢哋伴碟嘅蟹形啫喱竟然系由姜茶制成，得意又有心思~
花胶三丝羹配芝麻薄饼 - 个汤羹正正常常啦，反而个芝麻薄饼有惊喜㖞，充满芝麻香，入口脆身，香气四溢~
松子鱼块 - 一整个茄汁味？同甜酸味都好似过火咗，抢晒鱼味同松子香。
百页小棠菜 - 唔错，上汤鲜美唔口渴，小棠菜够爽甜~
东来顺炒饭 - 一碗有齐牛，羊，同虾，炒得算干身而且用料丰富但真系无乜记忆点~😂
冬瓜凉粉桂花糖水 - 好清新解腻，桂花味够出，出色
张贴
