武士拉麵 (已結業)

约左一班朋友系尖沙咀happy hour，朋友见早放就约我去隔离条韩国街食个拉面打个底先再饮野。间拉面店系条韩国街既尽头位，门口都几细下，唔系朋友带去，都几容易揾唔到。好彩早放，间铺头仲有位。原来间店除左门口好细，入面都好细下，好似得7，8个位。一字排开甘坐。每个人都有足够既位，唔会同隔离个个人好近。拉面都有几个汤底可以拣，之后可以自选汤底既浓淡、面条既粗幼同埋个面质既软硬。方便每个人唔同既口味。店员会推介重口味人可以拣酱油同黑蒜油。朋友同我都比较重口味，所以拣左酱油同黑蒜油猪骨汤底。之后，再share左只溏心蛋（$10)。个人比较重口味，钟意黑蒜油多d，够浓味。呢到既面同其他拉面店有d唔同，比较特别。叉烧系薄既肥瘦叉，d肉好嫩，加上层肥肉，够油分，好好味。唔会好似瘦叉甘好干。不过，就只得2块，比较少。好彩加左只溏心蛋，只蛋好甜，蛋黄好流心，正，所以一定要加。个拉面睇落好似几细蜿甘，但原来食落都有几多拉面下，相比上黎d料就比较少左d，要自己加料。整体黎讲，都算系不错既拉面。