鹵家

营业中

休息中

又系OT既一日，放工同同事简简单单食个饭就各自返屋企休息。同事提议食烧味，于是拣咗呢间餐厅。我地一人点一个餐，再加一份小食。同事点咗蜜汁叉烧王饭（$76），叉烧既蜜汁喺灯光照射下一闪一闪，好有亮泽。叉烧肥瘦适中，咬落去充满肉味，配白饭确实一流！我点既系头抽豉油鸡米线（$66）豉油鸡皮滑肉嫩，入口仲带有豉油鲜香，但又唔会过咸。碗米线落咗麻油，增添香味。我地再点咗卤水豆腐做小食，豆腐又滑又入味，我地一块接住一块系咁食😂餐汤系虫草花南瓜红萝卜煲猪骨汤，有补肺益肾、润燥止咳既功效。碗老火汤好足料，仲煲到d南瓜溶哂，好有诚意👍🏻