滷府 (已結業)

今日返屋企食饭加𩠌，放工飞去附近一间卤水店买返屋企同屋企人一齐食开心share。佢只有外卖冇堂食，附近office lunch同事食过都推介。呢间卤水店叫卤府，即刻令人谂起老虎🐯同屋企人食每款都叫啲试下啦，叫咗个卤水拼盘，里面有卤水猪耳够入味有弹性爽口，卤水千层豆腐几香豆味口感几得意，橙色卤水墨鱼每次必叫嘅item q弹q弹，仲有我最爱嘅鹅肠鹅肝！鹅肠唔太肥又够爽口，有香香嘅米酒味，令人想再食多条。鹅肝好入味口感有粉又滑，好香卤水味又冇盖过鹅肝嘅油香味，送酒送饭一流！加𩠌真系一个好选择，一家人都钟意食，仲食多碗饭！最后仲有佢送嘅师傅整嘅咸酸菜，出奇好正，如果有得买我会买返樽系屋企食😝下次在试埋其他卤水鹅片，慢煮叉烧，同埋猪大肠，猪腩肉都好吸引。