合利潮州打冷飯店

营业中

休息中

间位于佐敦嘅潮州打冷小店好耐冇嚟帮衬，今日帮衬食晚饭，水准仍然保持到，而且价钱应该冇乜加到，仍然系非常抵食，两个人叫唔到好多嘢因为唔想浪费食物，所以只点了卤水拼盘同埋蚝饼，两样味道都唔错，埋单$251算好抵啦。逢亲去食潮州嘢我都好钟意叫卤水拼盘，一间潮州打冷店嘅卤水做得好唔好代表着呢间食肆掂唔掂，老老实实呢度就真系好掂，卤水够香又唔会一味得个咸字，五花腩猪耳仔猪生肠红肠猪大肠鹅肉芽菜仔同埋豆腐样样都好入味。呢度嘅蚝饼都几脆口，而且唔会太油，唔会浆住个喉咙，啲蚝仔都几新鲜同埋好大粒。我哋另外叫咗碗潮州白粥，不过唔记得影相。