滿樂潮州 (東薈城名店倉)

营业中

休息中

失经无神，话去大屿山心经简林，自然要在东荟城食午餐才上昂坪，又好自然来这里，因为喜欢百乐潮州，这是他的青年版。 在店外等位时，闻卤水味，扑香，令口水激流，即垂涎系咁滴。 约等20分钟，四人枱分2人枱，就有位。 卤水鹅肉拼盘，小份$118，不负所望，肉嫩入味，卤水浓香，百般滋味嘴舐舐，白墨鱼，爽，有墨味，嫩豆腐垫底。 叫碗白粥陪食$52，先至爽，但可惜有味，有瑶柱，白果，绵稠，有米香，但我要潮州粥，有米水𠮶只，清清卤水重味，又可解渴，一啖落肚，全身舒畅。 本点椒盐仓鱼骨，又香口又未食过，侍应话无，仓卒就噏椒盐九肚鱼$108代替，转眼好/大碟又好大件的啡色肥虫上枱，有点惊吓，我的暗疮，生完都未谢，谢咗红印未腿，但不想浪费照食，粉脆厚身味咸，送啤酒一流，吐晒炸粉，鱼肉鲜味，鱼肉薄，但鲜。 左右隔离都系退休夫妇 ，右手边叫到成枱食物，食剩有6盒要取走，左手边连一个工人，叫白肺汤一锅，炒一碟菜远牛肉炒河，点心，记忆中又系食好多嘢，我吔相形见绌。食饱饱上山去，睇牛牛，食豆花。