小蟻人 甜品西餐 (已結業)

放工后想食埋饭先归家，我一于约埋同事去试下新开既餐厅，由于系公司附近好就脚，所以算系方便咁啦。首先叫杯橙汁饮下，估唔到系鲜炸橙汁播，仲有粒粒系里边，最紧要系唔会太甜，而家健康几咁紧要，杯饮品算有诚意。跟手叫左碟黑松露带子炒饭，差不多每粒饭都有黑松露痴住，另外仲有两片黑松露，所以成份炒饭好香呀，用料都好足。带子切左粒粒，细细粒好易赵呀，而且咬落好爽滑，同黑松露香味好夹。最后食埋份甜品，系某大牌子既雪糕加马卡隆。雪糕好特别，外型似西瓜但食落唔系果回事，红色系士多啤梨，绿色系开心果，黄色系柠檬，里面仲有埋果肉添，真系睇得又食得。