京林屋 (明宮閣) (已結業)

上次同老公食过一次京林屋，妈咪见我地对佢既高度评价话都想试下。所以今日收工就接埋妈咪去食啦。我地叫左鳗鱼饭同林屋和食料理。鳗鱼饭真系好抵食，大大旧鳗鱼配埋熟硬适中既饭，好食！林屋和食料理就岩晒好似我咁有选择困难症既人啦，哈哈，有鱼有带子有蛋有沙律！食完好满足啊！一定要点！饮品点左抺茶沙冰雪糕，有得饮有得食！佢既抺茶偏甜，唔会话浓到得返苦味！ 到甜品啦！差唔多食完既时候我地就同侍应讲个抺茶红豆白玉金砖可以起啦，因为制作需时二十分钟，所以主食差唔多食完就要叫定啦。上到黎见到个雪糕已经有少少溶，因为下面既丹麦吐司系新鲜热辣出炉嫁！外脆内软，上冻下热，每一啖都好丰富既口感，佢既抺茶雪糕比起我杯沙冰既雪糕要苦少少，但有红豆既甜味中和返，真系好好好好食！ 另外仲叫左个焙茶芭菲，雪糕有淡淡既焙茶香，唔会太甜抢晒啲茶味。下面仲有好多配料，红豆，白玉，啫喱，白色既应该系牛乳雪糕？所有野都好好味，无论咸食甜食都咁出色，如果公司附近都开返间就好啦～