Sogno Cafe+ (已結業)

星期六同男朋友去左间中环Cafe食晚餐。呢间用QR code落单，布置有心思，走可爱风。我叫左一样咸食，其它都系甜既，可惜牛奶麻糬售罄，无缘食到。黑松露牛肝菌海鲜炖饭无可挑剔，份量够大，食得饱之余，十分足料，啖啖都食到海鲜，有虾、青口、带子、蟹籽，仲有菇，而且炖饭软硬适中，加左芝士，增添美味程度，正呀。跟咸食配饮品平啲，加$38叫左杯Double Chocolate。Double Chocolate系smoothie，打得几幼滑，朱古力味浓郁，甜甜的味道，好饮。海盐麻糬窝夫配雪糕雪糕拣左奶茶味，几软滑，味道又出。窝夫加左麻糬令到口感变得烟韧，好钟意有呢种QQ既口感，美味可口。伯爵茶戚风蛋糕(黑糖忌廉)超级松软又湿润，伯爵茶味香浓，真系无得输，叫左一定唔会后悔。