中環茶記 (已結業)

例牌放工食个快既晚餐然后去做gym，今次去左中环茶记，因为被餐厅金碧辉煌嘅牌匾吸引左。餐厅灯光非常充足，楼底高。店内一枱一椅一砖一瓦都同八、九十年代怀旧冰室无异，天花上既吊灯更加令人怀念。除咗餐厅牌匾吸引之外，另一吸引之处就系邪恶咸蛋流心西多，我同朋友见到张相都已经流晒口水🤤冰室不二之选必定系红豆冰。红豆份量唔算多，但煮得几稔并不失口感，另外奶香味浓。朋友叫既怀旧雪兔以杂果宾治为底，渐层加上棉花糖令色彩非常缤纷。估唔到冰室都有鳗鱼食。炭烧鳗鱼($98)超大条，鱼肉具弹性。虽然冇入口即溶嘅口感，但都算嫩滑，伴随淡淡既炭烧香味。另外仲叫咗咖喱牛腩配葱油饼（$78）。完整牛腩大约有六七件，牛腩炆得软腍但略嫌偏瘦，咖喱汁唔会太呛，配葱油饼一流。登登登登！最后出场就系邪恶咸蛋流心西多（$48）。坦白讲切开嘅时候有少少失望，因为见唔到流心嘅形态，不过味道就非常邪恶地出色，入面馅料全部系起左沙既咸蛋黄，咸香味道非常浓郁，略带少少奶香味。食完呢餐卡路里超晒标，但邪恶咸蛋流心西多一定要再encore。另外大家去完兰桂坊想食嘢又多一个选择。