GREEN

🚂冬日小镇礼盒 三道菜下午茶 Gift of Adventures 3-Course Afternoon Tea下午茶分别有头盘，主菜及甜品。配上GODIVA 软雪糕及即磨咖啡或茶一杯。☃️首先系头盘，三个小食都唔错，当中特别喜爱黑毛猪火腿面包，咸香脆口。鹌鹑蛋芝士挞系一口过，味道都唔错，不过冇乜惊喜。朱古力鸭肝球有少少奇怪，咬开咗朱古力入边系流心嘅鸭肝，又甜又咸咁，唔系好夹。☃️两道主菜都有惊喜，几好食。和牛嫩滑，肉质柔软鲜嫩，配上用黑朱古力煮嘅薯蓉，几特别嘅配搭，入口软滑，亦都唔会甜，微苦朱古力香味几突出。红虾有两只，大只爽肉，虾膏同忌廉拌入软糯嘅白腰豆，香浓幼滑，味道唔错。☃️最后送上冬日小镇礼盒，外型精致，好似一个大型版嘅音乐盒，甜点及装饰不断旋转，的确系好靓。卖相很好，可惜甜点有啲失望，一系太甜，一系好酸，黑森林杯子简直酸到吓死我。栗子拿破仑及焦糖苹果慕丝，呢两款唔错，味道清香，较易入口。😮‍💨环境上都失望，实在太多人，有啲嘈。餐桌拼凑紧密，我同后桌客人都系背脊贴背脊。客人多，加上侍应很繁忙，急步行嚟行去。本身想同朋友影张靓嘅打卡合照都影唔到🥲🥲🥲Appetizer 头盘❄️伊比利亚