The Pudding Nouveau (已結業)

一讲起去大坑，A姐就懒醒话一定要食肉饼塔，骨胶原拉面同睇舞火龙。今次唔系食大路嘢，等我M佬带A姐去威威，食京街里面嘅小店The Pudding Nouveau。A姐一见到餐牌，咩都唔理，就话要嗌士多啤梨奶昔。饮落去似沙冰多啲，但真好香士多啤梨味，好足料。无谂过呢间小店用Mighty Leaf Tea有机茶包，Mighty Leaf Tea系美国加州有机茶叶品牌，之前喺美国试过，都唔错。我今次叫咗有机热带果绿茶，饮落有少少芒果加热情果嘅甜味，无普通绿茶咁寡。主菜嚟啦!! 法式油封鸭腿系传统嘅法国菜，鸭腿肉Juicy兼滑嫩，外面层皮香脆。最特别系上面有只太阳蛋，连埋啲蛋黄汁同蛋白一齐食，感觉唔同晒，只鸭腿无咁干。平时食鸭腿都唔会配窝夫，问大厨先知，原意系法国咸食窝夫，可以跟鸭腿一齐食。除咗咸食，大家可以点黑糖焦糖酱。要我拣，我自己钟意甜窝夫多啲!另外，我哋叫咗珍宝龙虾仔牛角酥配薯条。自家制嘅牛角包好香牛油味，非常松化，一咬就劲多包碎飞出嚟。不过𠮶小龙虾沙律馅唔系好够味，啲小龙虾系好大旧，不过无咩味，如果多啲沙律酱会好味好多。A姐一食条薯条就哗哗声，我仲话佢有无咁夸呀。点知自己食都真系哗咗一