金記冰室 (八號花園) (已結業)

近来真系愈来愈多连锁式冰室，今日同好姊妹去食饭，佢就话有间叫金记冰室，啲炒饭炒得几好食，咁啱有间喺附近，当然要去试一试佢啦。夜晚其实都几full，好彩排咗几分钟就有位，一向钟意食咸鱼嘅我，梗系拣咸鱼鸡粒炒饭试试，$56 正常价钱，冻饮仲有半价优惠，都几抵㖞。咸鱼鸡粒炒饭 $56个饭吵得几干身，粒粒都包住蛋浆， 金黄色，非常唔错。配料份量都好足，咸鱼大大粒够晒味，比较值得欣赏嘅系佢嘅鸡系去皮嘅，仲炒香过，唔会有雪味，咸度适中，系我食过嘅咸鱼鸡粒炒饭中，可以列入三甲之位。睇来以后我有多咗个好地方食饭啊。