影片
更多
2022-06-25
572 浏览
去开九龙城见客，顺便约埋某人收工响附近食晚饭，经过呢间店舖见到易拉架𠮶个任食套餐好吸引2人只需要$398另外+10%，每人加多$20就有埋任饮添。任食包括烤鱼、秘制古早羊腩煲、台式香辣鸡煲、台南南乳猪手煲，仲可以无限追加美国肥牛、台式水饺、士林盐酥鸡、阿等面线、万华街小碗蚵仔卤肉饭、花枝丸、网红196台式豆腐花芋圆、台式芋头条、澎湖贡丸、新鲜枝竹、秘制冰豆腐、西洋菜、唐生菜、娃娃菜、白萝卜、白饭。加$20任饮有：珍珠系列（7款）、果茶系列（6款）、健康系列（6款）、汽水、青岛啤酒。首先嚟咗个小食盐酥鸡，表面炸到好脆，里面嘅肉仲保持湿润，点埋酱更加好味，大家都食到唔停得口。烤鱼拣咗酸菜口味，煎好嘅鱼放响又大又平嘅盘度，配料有洋葱、酸菜、豆卜、鱼丸、大豆芽菜、芫荽、西红椒丝，酸菜嘅酸味十足，闻到已经流口水。鱼预先烤过，煮起嚟都唔会散开，煮滚一段时间先至食，鱼肉结实有鱼味。配菜新鲜入味最好食，追加左美国肥牛；唐生菜、萝卜、冰豆腐及新鲜枝竹。肥牛一人份量渌起上嚟有一碗㗎，某人话好正。澎湖贡丸含有香菇，爽弹好味。两个人心思思追加咗鸡煲拼猪手煲，惊食唔晒问咗店员，话份量唔会太多，啱晒我哋呢啲细食嘅
去开九龙城见客，顺便约埋某人收工响附近食晚饭，
经过呢间店舖见到易拉架𠮶个任食套餐好吸引
2人只需要$398另外+10%，
每人加多$20就有埋任饮添。
任食包括烤鱼、秘制古早羊腩煲、台式香辣鸡煲、台南南乳猪手煲，
仲可以无限追加美国肥牛、台式水饺、
士林盐酥鸡、阿等面线、万华街小碗蚵仔卤肉饭、
花枝丸、网红196台式豆腐花芋圆、
台式芋头条、澎湖贡丸、新鲜枝竹、
秘制冰豆腐、西洋菜、唐生菜、娃娃菜、白萝卜、白饭。
加$20任饮有：珍珠系列（7款）、果茶系列（6款）、健康系列（6款）、汽水、青岛啤酒。
首先嚟咗个小食盐酥鸡，表面炸到好脆，里面嘅肉仲保持湿润，
点埋酱更加好味，大家都食到唔停得口。
烤鱼拣咗酸菜口味，煎好嘅鱼放响又大又平嘅盘度，
配料有洋葱、酸菜、豆卜、鱼丸、大豆芽菜、芫荽、西红椒丝，
酸菜嘅酸味十足，闻到已经流口水。
鱼预先烤过，煮起嚟都唔会散开，煮滚一段时间先至食，鱼肉结实有鱼味。
配菜新鲜入味最好食，追加左美国肥牛；唐生菜、萝卜、冰豆腐及新鲜枝竹。
肥牛一人份量渌起上嚟有一碗㗎，某人话好正。
澎湖贡丸含有香菇，爽弹好味。
两个人心思思追加咗鸡煲拼猪手煲，惊食唔晒问咗店员，话份量唔会太多，
啱晒我哋呢啲细食嘅人。
猪手够晒腍但又唔会烂，够入味
鸡煲又香又辣够晒惹未，
忍唔住要叫支青岛啤啤佢。
啱啱入嚟坐低嘅时候，已经叫咗两杯台式饮品，
黑糖珍珠奶茶+香芋珍珠奶茶。
我嘅黑糖珍珠奶茶够又香又甜珍珠烟韧有咬口。
最后唔少得要食碗甜品啦，材料有滑滑豆腐花、仙草、芋圆、红豆，
甜品控一碗边度够呀！
张贴
