蒲公英和牛專門店

营业中

休息中

唔系经常去观塘食野，因为屋企出去其实都几「长途」，最近来过一次，因为男朋友话想睇下outlet，行到咁上下就来蒲公英食埋饺子先走。唔系第一次来，都系因为几好食，又唔想正经食正餐，所以拣饺子。呢度铺面唔细，主要就卖和牛、冻肉呢D野，不过就开左几张枱仔，钟意即食又得，买走都得。每枱都有摆放酱料，呢D酱料都喺佢铺头有得卖，麻酱就正常，但「豆瓣酱」真系几好食，我仲试过买走添。饺子就好简单，分厚皮、薄皮，白菜同韭菜两款，一律都系水煮，即系烚。老实讲，价钱都唔平，比起出面D饺店，但因为标榜用100%鹿儿岛黑豚肉做嘅，听落就已经宁舍唔同咁。点左双拼，即煮，佢净饺上，我地点薄皮，真系透哂D馅出来，就算折位都唔会觉得厚，而且层皮好滑唔粉。菜肉半半，你话食唔食得出系鹿儿岛黑豚呢，就食唔出嘅，哈。不过饺子系真系好juicy，肉都唔肥。点埋佢地嘅麻酱同辣酱，又几好食嘅就系价钱唔平咁啰，再来行街都会再食嘅。