上村牧場 (已結業)

今次已经系第二次黎，上次同老公去食已经大赞，今次再同同事黎，依然系咁好食，平时食放题质数会好参差，但因为上村牧场系鹿儿岛有自设农场，所有能够以最低价钱食到A4和牛同萨摩牛，品质一定有保证，除此之外，更提供澳洲和牛、伊比利猪、松叶蟹、海胆、鳗鱼等顶级食材，再加上日式拉面与寿司，将近百种的选择。我地选择左萨摩牛飨宴套餐，$588一位，除左食物同甜品任食之外，饮品都系任饮。食得萨摩牛飨宴套餐，梗系要食尽所有既萨摩牛。餐厅采用电子下单，方便快捷，而且仲有日本最新送餐技术─「特急列车」，将食物安全安心直送到每一台座位，节省时间同人手。单单系萨摩牛已经有好多款式，有萨摩牛五花、萨摩牛里肌、萨摩牛涮涮烧、萨摩牛寿喜烧、萨摩牛壶渍、萨摩牛寿司等，所有萨摩牛油脂香浓，雪花纹理清晰，牛肉味香，肉质软熟，入口即溶。除左萨摩牛，仲叫左鸡心、帆立贝、牛骨汤拉面、寿司、甜品，真系捧住个肚走。饮品方面有汽水、果汁、咖啡同好多走唔同既茶包。