Deer Kitchen (The Wave) (已結業)

位于The Wave 6楼嘅Deer Kitchen, 故名思义就系以鹿为装修及摆设嘅餐厅，灯光比一般餐厅暗些少，但配合埋装修环境及座位又出奇地舒适而且有情调。主厨特色拼盘包括咗鸡锤、芝士条、鱿鱼圈、炸鱼、黑松露虾春卷，虽然全部都系油炸食物，但食落一啲都唔油腻亦脆口，热度亦啱啱好，感觉唔会觉得好热气，真心推介。鲜海胆蟹肉明太子意大利饭混合明太子及蟹肉嘅意大利饭好creamy又有口感，配上鲜味嘅海胆，感觉良好。烤西班牙黑毛猪鞍伴香浓烧汁猪鞍烤得刚刚好，没有肥腻感肉质鲜嫩，配以甜甜嘅紫薯蓉，令味道更有层次，真系回味无穷。整体非常满意，至于服务方面，由于晚市近乎满座，落单、上菜速度比较慢些少而且有些微乱，所以服务上稍为需要改善，但当晚只有2位服务员嘅关系呢点亦可理解，佢地亦非常礼貌交代过，所以影响其实不大。如餐厅考虑增聘人手解决问题那就再大大加分。