影片
更多
2015-08-21
5954 浏览
因为公司喺湾仔，好多素食餐馆都无得订位，咁啱呢间有，所以今年的生日午餐就订咗丽姐㕑房。之前无去过，不过见食评都唔错，我哋对环境唔系太高要求，所以试吓。订位时要order定嘢食，帮手订位的女士好好人，我心谂：素食馆啲人真系友善㗎啫。嗯！人类真系好天真。Book一点正，一点钟去到楼下，等䢂期间就收到call：「系咪嚟紧，我哋要交张枱畀人。」ok ok，䢂都唔等，慌张嘅大家即刻飞虎队上身：跑楼梯！都系二楼啫。奈何我哋并唔能够突破人类极限，上到去，顶！迟咗一分钟，侍应再面黑黑同我讲多次：「你哋迟到我要畀张枱人㗎勒！」真系当头棒喝，我觉得自己真系死不足惜。虽然讲咗好多次唔好意思对唔住，但系若然有刀仔喺手，我真系会当场切腹谢罪。搞到佢咁唔开心，真系好想喺生日时封返封利是畀佢；不过无利是封喺手咋。睇见墙上挂嘅佛偈，如果俾我加多一幅的话，我会喺「莫生气」隔篱加「咪迟到」。我决定下次，如果仲有下次，不过多数都唔会有下次，我会book迟十分钟；因为我真系希望令食素嘅大家开心，千祈唔好好似食咗成只牛咁嬲猪。怀住内疚、悔恨嘅心情，到底我仲有冇资格食呢？我好疑惑，不过饭菜经已预备好，而呢张咁稀有咁珍贵咁不得之了
嗯！人类真系好天真。
Book一点正，一点钟去到楼下，等䢂期间就收到call：「系咪嚟紧，我哋要交张枱畀人。」ok ok，䢂都唔等，慌张嘅大家即刻飞虎队上身：跑楼梯！都系二楼啫。奈何我哋并唔能够突破人类极限，上到去，顶！迟咗一分钟，侍应再面黑黑同我讲多次：「你哋迟到我要畀张枱人㗎勒！」真系当头棒喝，我觉得自己真系死不足惜。虽然讲咗好多次唔好意思对唔住，但系若然有刀仔喺手，我真系会当场切腹谢罪。搞到佢咁唔开心，真系好想喺生日时封返封利是畀佢；不过无利是封喺手咋。睇见墙上挂嘅佛偈，如果俾我加多一幅的话，我会喺「莫生气」隔篱加「咪迟到」。我决定下次，如果仲有下次，不过多数都唔会有下次，我会book迟十分钟；因为我真系希望令食素嘅大家开心，千祈唔好好似食咗成只牛咁嬲猪。
怀住内疚、悔恨嘅心情，到底我仲有冇资格食呢？我好疑惑，不过饭菜经已预备好，而呢张咁稀有咁珍贵咁不得之了嘅枱又因为大人不记小人过的关系，喺千钧一发之间依然留咗畀我呢个超龄废青，所以我无资格话唔食，只好讲句多谢赐饭。
呢碟黑醋咕噜系唔错嘅，我好钟意黑醋味。呢阵酸味，提醒我约人唔只要准时，更加要早到，否则会令人好心酸。
而呢个黑松露牛油果炒饭，真系好香，味道刚刚好，应该好多人like。谂起自己成日激亲人，应该好早归西，喺有机会再食呢碟咁香嘅饭之前已经香咗。
以为逢系藕饼都好食嘅我，今次真系有少少失望。有啲太粉，唔算好味，之但系得人恩典千年记，有枱畀我噃，就算唔系太好味，都应该系我嘅问题，又或者系上天畀我嘅考验：「你以为你有资格食好嘢咩？你边位呀？你系一个只识迟到嘅废人咋！」
听闻流沙饺系招牌菜，不过口味嘅嘢真系每个人都唔同。我嘅意见唔重要，最重要系呢度嘅员工开心，所以呢碟点唔点都ok，最紧要系咩呀？系唔好迟到啰，又唔记得。
炖汤，好香菇味，素汤嚟讲都好好味㗎！迟到嘅人去到十八层，会唔会俾人炖呢？好紧张啊！
荷兰豆云耳炒淮山，清清哋，淡淡然，唔，好难评价。食物难评，做人就唔可以淡淡然，唔能够乜都无所谓，迟到嘅人真系要拖出去斩。
粟子腐球，食剩好多，唔好味、唔够热、啲汁「琼」晒？唔系，儍啦！我哋错，叫得太多嘢啫。千错万错，当然系食客错。至于好多人讲过嘅甜品，无啊。以为有得送？我哋无咁天真，亦都无谂过要叫。人生系苦嘅，生日系罪嘅，迟到系抵死嘅，吃甜品的机会不是我们的。快食，快闪，快升天。愿神赦免！
我个喊口，唔系因为唔好食呀，系内疚嘅眼泪呀！吓？乜唔系咁用㗎咩？
张贴
