麥奀雲吞麵世家 (黃埔天地享膳坊)

营业中

休息中

一般嚟讲，一啲老字号不断疯狂开分店，我都会避忌三分。多分店个质素多数会下降，但讲返，麦奀记我真系食咗廿几年，个面都系咁好食。平时我都系会嗌开云吞面。但今次我想食啲肉，就叫咗碟牛腩牛筋捞面食。卖相上碟唔好要求咁多，食中餐果阵，最紧要系啲食物味道同埋质素、口感果啲bahbahbah…牛腩牛筋捞面 $71呢个面底一定要嗌幼面，麦奀面底出名系弹牙有蛋香味。腩汁沾落啲面条上面，好香浓。牛腩淋身唔韧，柱侯酱牛腩呢家唔多餐厅会整啦，柱侯酱炆到啲牛筋会特别有胶质，好味之余又保身。