大尾篤燒烤王 (已結業)

十二月十二日 (星期五)大伙去烧野食，因为大部份都系北区人， 谂都唔谂就梗系去大尾笃．　先行部队由粉岭直接坐的士去，一人廿五蚊，OK啦都算．第一次去呢个烧烤王，环境唔算好好，但可以接受啦，我地最后一行九人坐低左，四围好多一大班学生哥，隔离系一个不停食烟不停饮酒老师带住一班十四五岁学生啰 =_="星期五有任食时段58一位，但考虑到唔系人人咩都食，又想试下其他野，于是叫左一个五人餐（跟埋五罐汽水，叉，纸碟，蜜糖，面包，纸巾），再加羊，鳝同火鸡肾，加埋比起九位任食贵左廿蚊，正！羊羊系卖飞佛，点可以唔食！　烧起好香，烧烧下麦师傅仲亲自黎教我地叉同帮我地烧左一旧，麦师傅教落：1.　大旧肉果边要向出面，条骨指住自己2.　烧果阵要贴火烧，最大火果度烧有少少焦就最正好好味，肉又够厚又半肥瘦，赞呀！鳝第一次BBQ食鳝，唯一系唔系好sure佢几时熟，我女友就觉得9成熟好食d，我就觉得well done爽d，蒜香烧鳝，赞！五人餐仲有猪牛羊鸡肠丸翼，全部都有水准，加上唔会雪到"实的的"，但最后呢个餐都只系食左九成，所以我会推介唔一定要叫任食，试下其他野食啦！再加埋饮左差唔多廿枝大蓝妹，圆满结束！