麥當勞

营业中

休息中

麦当劳Latte 早前去麦当劳买latte咖啡套票，首先比$20就有八杯咖啡卷，之后每次买一杯就再比$10，亦即每杯价钱$12.5。以往麦当劳唔知用嘅系咪Arabia coffee豆，味道较为酸及有啲苦，自己唔系咁钟意，而家新嘅McCafé跟潮流，走Starbucks 及Pacific coffee 相似路线抢生意，今到咖啡类饮品市场多啲选择，对我哋消费者系好事，起码唔使比贵价钱就饮到杯有质量嘅咖啡。落order时，我提醒店员使用玻璃杯，佢哋会冲一杯杯面有拉花嘅咖啡，只花小钱但有齐色香味俱全嘅享受，真系好抵！咖啡味道及香气稍淡，但入口顺滑，花形图简单，属于初级组别，见店内忙碌及多order，能够好快拉出一个花形图已经非常有诚意，拉花小哥加油！唯一可以提升嘅系温度再高一啲，感觉有少少唔够热，佢哋用蒸气打热牛奶，用温度计量度牛奶，专业咖啡师傅就用手嚟测温，可以更准确比到人嘅感觉，虽然人与电子测温有轻微分别，如此微微差距感觉就大不同。