影片
更多
2019-04-07
1149 浏览
咪睇小弟嘅食评好似不时都食好嘢，其实，平贵都会试吓，不过，有时又唔喺食过乜都写而已。近排见「麦记」推出两款新包：宫崎风味南蛮炸鸡汉堡及金泽风味黑咖喱吉列猪排汉堡，仲卖广告卖到铺天盖地咁，所以，揾次食晏试试佢。小弟今次想试嘅喺前者，因为二年前去过一转九洲嘅宫崎同鹿儿岛，晌当地食过好几次南蛮炸鸡，所以，有种想重温那些年回味嘅感觉，当然，心里有数，「麦记」出品跟食地道嘅南蛮炸鸡就梗喺有啲落差啦。个宫崎风味南蛮炸鸡汉堡嘅包装好和风，我本身事前就无刻意番意𠮶个广告，所以，对个包都无咩具体认知。一拿上手，爆晒汁，可能落酱太多，泻晒出嚟，而件炸鸡块几厚身，嫩就唔嫩滑架喇，但亦唔叫嚡（其实应该都喺跟平常食嘅麦香鸡𠮶件鸡块一样），沾满酸酸甜甜嘅酱汁，除椰菜丝、洋葱丝，上面仲加有啲蛋沙律，整体味道确喺几唔错。薯条换咗沙律杯，无咩好补充，反而杯冻柠茶想讲两句，茶色比较淡，虽然有3块大柠檬片，但咁大杯就唔多啱比例，故此饮起嚟柠檬味薄啲啰。正所谓好又一餐，唔好又一餐，今餐？都OK啦，「麦记」不时推出新包款，将唔同地方嘅食材、菜式都物尽其用，进行「二次创作」成为新包款，虽然好多人都话「麦记」喺卖垃圾食物，咁佢哋卖
小弟今次想试嘅喺前者，因为二年前去过一转九洲嘅宫崎同鹿儿岛，晌当地食过好几次南蛮炸鸡，所以，有种想重温那些年回味嘅感觉，当然，心里有数，「麦记」出品跟食地道嘅南蛮炸鸡就梗喺有啲落差啦。
个宫崎风味南蛮炸鸡汉堡嘅包装好和风，我本身事前就无刻意番意𠮶个广告，所以，对个包都无咩具体认知。一拿上手，爆晒汁，可能落酱太多，泻晒出嚟，而件炸鸡块几厚身，嫩就唔嫩滑架喇，但亦唔叫嚡（其实应该都喺跟平常食嘅麦香鸡𠮶件鸡块一样），沾满酸酸甜甜嘅酱汁，除椰菜丝、洋葱丝，上面仲加有啲蛋沙律，整体味道确喺几唔错。
薯条换咗沙律杯，无咩好补充，反而杯冻柠茶想讲两句，茶色比较淡，虽然有3块大柠檬片，但咁大杯就唔多啱比例，故此饮起嚟柠檬味薄啲啰。
正所谓好又一餐，唔好又一餐，今餐？都OK啦，「麦记」不时推出新包款，将唔同地方嘅食材、菜式都物尽其用，进行「二次创作」成为新包款，虽然好多人都话「麦记」喺卖垃圾食物，咁佢哋卖「垃圾」得嚟，都入咗好多心思嘅。
张贴
