佳記餐廳 (已結業)

佳記既麵包一直都頗有水準，新鮮熱辣辣，size 又夠大，唔似其他麵包連鎖店食完好似食左陣風咁，佳記既麵包有重量有質感。呢條街一連有幾間茶記，行街行到攰攰地，想搵個地方掲下腳，朋友揀呢間都係因爲佢d麵包咋…一行入茶餐廳，我就有置身內地既感覺，周圍都是強國人呀……朋友叫左奶茶加麥西哥包，我就因唔肚餓只叫杯紅豆冰。點知睇下張單，無啦啦多左個菠蘿油，話都無咁快個包都到埋，我同落單個伙記講我無叫菠蘿油，佢話紅豆冰加菠蘿油係set, 一齊叫抵啲。我話唔係錢既問題，係我食唔到既問題。個伙記唔想改單，就屈我話落單時問左你係咪要餐喎，差幾蚊都唔食埋佢？！我對燈火發誓佢無問過我亦無答過要餐，唔好屈我！你唔方便改單同我講聲say句sorry我無所謂，但你屈我就唔得囉。你個包更好食都無用！我食都只會背脊骨落。伙記話家陣食唔到可以打包，比個袋你留番聽朝食囉。你有無常識架？！菠蘿包就都仲話可以留，菠蘿油點留？！聽朝食完我有乜問題係咪你負責先？如果不是友人心軟，我一定堅持要改單囉。。。。總括黎講，紅豆冰太甜，麥西哥無得頂，奶茶中規中舉。環境一般啦。對港式茶餐廳都不會要求太多。但服務方便就有待改善呢。