樂怡餅屋 (已結業)

好啦，讲埋乐怡饼店下半part！话说几年前已食过呢间舖，仲要一个月食几次！每次都要朋友做托运工人 🤪究竟有乜咁吸引？就系佢哋嘅面包！每一个拎上手都好有重量，绝对唔系空气包。最近再食，质素依然keep到！云云咁多款式里面，以下几款系经常encore！🔸芝士五重奏- 推介比芝士爱好者！佢嘅芝士真系劲浓厚！由第一啖食到最后一啖都系芝士！比例应该系7:3 🤣 无夸张㗎！放入微波炉(有嘅话)叮10秒左右，热热哋，仲正！🔹金砖- 不得了！佢真系无改错名！金金黄黄，蒜蓉味好突出！包心非常软熟！仲可以一丝一丝咁撕出嚟食，正！喜欢嘅话，可以点西汤一齐食，好match㗎！🔸蒜蓉吞拿鱼包- 斋望相系咪觉得好澎湃呢？事实上都真系咁！啲馅系由头带到落尾！唔好以为吞拿鱼会整湿个包，又唔会㖞！而且生菜 & 番茄系新鲜嘅，同吞拿鱼好夹！食一个真系会饱！！呢个每次去都必定会食🤤🤤🤤‼️♿️ 饼店喺商场内，好方便轮椅去。