SAKImoto bakery 嵜本 高級Shokupan專門店 (海港城) (已結業)

无得去日本，而家凡系有日本过江龙嘅店大家都应该会九秒九冲去食。有留意ig都应该成日见到呢间野，无错，就系佢！来自大阪嘅吐司店SAKImoto Bakery 嵜本。今次叫左「极生」吐司，系采用无蛋有奶嘅制作方法。吐司上枱时已经切好左9格，唔系用来玩井字过三关，系方便用来搽上酱。面包烘得表面脆脆的，食落有本身属于面包个种好香嘅麦味，质感亦都松软，系好高汁嘅一块面包。但个酱就坚系好甜，甜到我觉得搽落块面包度简直系浪费左块面包，因为完全盖过左面包个味。跟面包会配一小块牛油，用牛油去搽会更加适合。另外叫左杯朱古力。朱古力上面有几粒棉花糖，饮落唔算好浓既朱古力味，不过不失。总括来讲，呢间性价比真系唔高，不过都一试无妨。