B.Two House (已結業)

去开观塘想食平平地，上openrice揾左好耐，见到呢间逢一三五先做晚市，咁岩今日星期五，咁就呢间啦，食评中少见有晚市菜单，唔知食咩好呢？观塘实在太多工厦，呢幢大厦算近地铁站。入到去见到有一枱客，环境安静，不过真系好热，一路食一路出汗，但胜在有wifi提供呢。我地两公婆唔谂住食咁饱，只嗌左两个包，一个意粉一个汤，餐汤有个黑糖手指包，再半价加左杯橙汁，埋单$207鸡肉忌廉汤，我钟意呢个口感，唔会好“杰”，但老公嫌太稀，各有各口味啦，但一致认同个汤好滑，比个like双色Bagel，新鲜热辣呀！个皮脆卜卜黑糖包我自己钟意呢个多过outback果个，呢个软熟啲，但老公就钟意食硬身啲哈哈最后就系黑松露三文鱼意粉老公第1啖就话意粉好爽口，但我地真系食唔到黑松露味，面头黑色果啲应该系鱼籽，呢个系不过不失啦！我地唔钟意既太浓味，呢个唔会好浓味，汁都唔系“杰”身果种。总括来说，包真系出色，我平时都麻麻地食包，但呢个可以喔，下次可以再试有馅既bagel。