Mr. Bake (已結業)

伯爵红莓 ($22)面包size都几大，咬落感觉比较扎实，所以食完会好饱肚😂。伯爵茶嘅香味唔算太浓，配埋面包嘅麦香，味道都唔错，反而红莓嘅份量有啲少，味道系好嘅，不过配落咁大嘅面包到略为有啲不足。日式紫薯 ($12)同另一款面包唔同，喱个包口感好松软，入面饀料嘅份量都几足。用上真实嘅紫薯蓉，味道唔算太浓同太甜，整体感觉好清新。另外仲食左抹茶乳酪 ($12)，口感同样好松软，抹茶味道偏向奶味重一点，都几香，配埋入面嘅乳酪，味道好特别。