康年餐廳 (已結業)

去茶餐厅食下午茶，叹菠萝油和茶走，实在系一件赏心乐事。尤其是新鲜出炉的菠萝包，再加一片厚切的鲜牛油和一杯热辣辣茶走真系谂起就想食。刚好身处旺角，知道附近的「康年餐厅」有新鲜菠萝油，一于带埋朋友一齐入去叹一叹。一行入门口，即刻听到有伙记大叫［蛋挞新鲜出炉］咁就梗系叫返个试下啦。果然系新鲜出炉，一啖咬入口俾佢辣亲个咀添蛋挞皮很酥脆，食完成咀都有皮碎痴住。个馅很滑，不过略嫌唔够甜，淡口少少。菠萝油真系一流同样新鲜，而且菠萝皮劲脆。入面一块厚牛油，溶在个包里面，食落充满牛油香味，好食！同埋佢size都唔细，食完都饱饱地。至于鸡尾包，味道都唔错，但不及菠萝油和蛋挞。佢比出面面包店卖的更大个。之但系我觉得入面的馅未够湿润，食落去有点口干。至于杯茶走，茶味都颇香浓，不过口感唔够滑溜，尚有进步空间。有时大家行开旺角，口痕想食少少野的话，都不妨来这间茶餐厅食个新鲜出炉面包。