85度C (宏豐大廈)

营业中

休息中

土瓜湾呢一间面包舖，佢嘅面包款式好多，价钱平实，仲好好味😋款款都想试。美式热狗🌭️$10.5。面包松软，有沙律酱及茄汁外层烤到金黄酥脆，里面有美式热狗香肠，好好食。好运兔$11。呢款面包造型好可爱，好似只兔仔咁。面包松软，入面系香肠。枫糖小牛角🥐$15有3个，外层酥脆，枫糖馅有独特嘅甜味。另一款值得推介嘅系鲔鱼香葱面包$13。呢款面包有酥脆嘅丹麦皮同柔软嘅面包，入面包满咗好多鲔鱼香葱馅，食落好多层次，口感好丰富。仲有其他唔同口味嘅面包，例如嘅香片花生包$16🥖，有杏仁片及花生香味；高纤合桃面包 $21系一个健康嘅选择；再加上厚片方包🍞同双重朱古力曲奇都系唔可以错过嘅美味。