糧友パン工房

营业中

休息中

听闻左呢间「粮友工房」好耐，一直都想试下，系日本九州最大面包连锁店，用既系日本入口酵母培养器自行培养既天然酵母同埋用石窑烤面包，石窑烤炉入面系块麻石，吸热快散热慢，所以整面包好岩，想试好耐，终于的起心肝买黎试下。月岛软心芝士饺子 $14当然系试店内No.1既面包，外形真系成只饺子咁，面包皆用上新鲜酵母、小面粉，呢款再用左奶粉，面包入口带股奶香，用石窑比起用焗炉烤既面包更松软，但唔会有焦香，密度正常，面包唔会好重手但又唔算太空气，软心芝士咸咸地咁配带微奶香既包身系几夹。一定会再试佢其他包，价钱我觉得都可以接受既，未到话太贵，加上佢用既材料都比较高成本，值得我用呢个价钱去帮衬佢。