一郎 (已結業)

最钟意一个人食拉面。港岛拉面食得太多，过黎九龙试吓。星期五晚竟然直入。间舖好光猛，吧台位得几个，其实仲有一个位，可能佢惊逼，佢就叫其中一台俾我搭台。𠮶一男一女好似觉得有啲不愿/尴尬，响香港食拉面呢个价你哋唔系谂住唔洗搭台吓嘛？！不过个侍应又真系唔识做，间舖通道又唔系窄，竟然唔拉开少少张台。呢啲茶餐厅阿姐都识啦...隔离叫咗龙虾拉面，成只龙虾佢拆肉，惊佢批我踭，唯有自己坐过啲🙄第一次食必食最简单嘅猪骨底。碗面黎到...侍应都好醒放低就话攞筷子俾我嘅...有俾咗杯水，仲放低咗壶水俾我，之但系啲调味料就not accessible 啦。碗面个样好靓仔。汤底出奇地淡味，一啲都唔油，香港竟然有人做淡味猪骨汤底！净试汤底惊咗一惊，系咪伏黎？！原来碗面个重点唔系个汤底，系啲𩠌！我食拉面好少会觉得个叉烧好食，但竟然觉得呢度嘅好好味！唔系大旧肥膏，唔鞋，唔烧都有好香猪肉叉烧味，好正！拉面面身比一般嘅幼，有啲食云吞面𠮶只幼面嘅感觉。蛋好流心，好有蛋香但腌得都几甜吓。荷兰豆饱满新鲜。荀就正常发挥。总结：谂咗轮俾OK 定笑好。个面系好食嘅，但服务就麻麻，但碗面收$88又唔贵嘅，俾笑。