凪豚骨拉麵 (已搬遷) 新店位置

今晚同个frd做完Gym食饭，佢就有啲咳，唔食辣同炸嘢，我就唔想食西式嘢，如是者喺街度行，原本话去铜锣湾睇下有咩食，最后我话不如食点心，所以拣咗去天后，去到佢又话不如食拉面，都OK嘅，反正我有个几两个月无食，佢带我去咗BB Ramen，佢几年前食过话OK~服务员态度好好，会问我哋驶唔驶推介下，佢介绍咗限定拉面，之前又介绍埋其余4款拉面，食完又会问下客人意见，有无嘢要改善。我拣咗赤骨同加溏心蛋，杯面几香辣味，不过唔知系咪加咗炎之酱，好辣，但又好惹味，叉烧俾平时食果啲大块同长身，唔会太韧唔会太冧，而且肉味浓，溏心蛋同我平时食果啲唔同，佢唔系半熟，而系全流心，总括来讲味道唔错，会再帮衬。 不过间嘢都几早关门，我见佢哋9点已经唔接新客，所以要食就早啲去。