新蘭州拉麵小籠包 (已結業)

要赶时间又想食面，自己一向无饭瘾，呢间食中国人地方面！地方用中式深木，装饰古式古香！因为已经下午茶时间，餐厅无乜人，所以我可以一个人独占一个卡位！坐低店员会上一壶茶（无问要边款茶叶）枱上已有杯碗，系一壶，唔系一杯！感觉几贴心（可能我一向要饮热饮，用壶上茶保温能力好啲）之后再比餐牌，餐牌比较残旧，过胶都已经浮起晒！另外仲有张午市套餐餐牌！（无下午茶）选择都好多！又有我想食嘅排骨担担面！另跟餐拣了冻豆浆！冻豆浆：落好单即刻就到！够冻兼豆味香浓，而且够大杯！唔错！排骨担担面：欣赏炸排骨另上（好多店唔知点解，炸物会放汤，浸淋晒，咁做乜要叫炸物啫）先讲炸猪扒，炸粉比较厚，即炸热到辣咀！咬落唔韧，好松软多汁，唯一唔好系比较肥！会腻！面系幼面，面质弹牙，担担汤底微辣，花生酱味唔太浓，而且汤比较浠（一向食担担面汤底比较杰身！）唔系太挂到上面身，幸好味道够浓！店员态度唔亲切，不过无唔礼貌！要做嘅事做足！埋单亦有讲多谢！食物唔错，可以一试！