丸亀製麵 (康怡廣場北座)

营业中

休息中

太古有两间丸龟制面，一间位于康怡，一间位于太古城中心地下food court。两间分别不大，但我钟意坐得阔落，唔驶同人争位，通常拣有舖位嘅康怡丸龟。今次食左酱油乌冬、咖哩牛肉乌冬同一堆天妇罗（包括：鸡肉、鱿鱼、蕃薯、茄子、鸡肉洋葱圈）。呢间乌冬系我钟意嘅个种有咬口得黎又唔难咬开，同一般市面自己买嘅乌冬好唔同。酱油乌冬其实系味噌汤？我觉得好咸，不过正正因为咁，通常我用汤代替豉油蘸炸物。特别之处反而系咖哩牛肉乌冬，有很香咖哩味，但日本咖哩通常唔会好辣，好香好甜。牛肉似普通肥牛，唔算肥。入面红萝卜，薯仔同有少少洋葱。天妇罗就其实仲有好多种类，我最沉迷系旧鸡😂佢啲天妇罗唔算多油，鸡肉好嫩滑，而上面炸粉痴住啲黑芝麻，好香。我未食过呢旧鸡之前，我最钟意系蕃薯同茄子呢啲蔬菜。蕃薯系黄蕃薯，好香甜（唔系次次都甜）。茄子就冇咩特别，纯粹觉得面头炸过有口感🤔特别的话，我几推荐鸡肉洋葱圈，好香口，食落阵阵香味。鱿鱼就比较上韧，不太推介。概括咁讲，喜欢食乌冬的朋友可以试下，有多款口味乌冬选择。再者，有多种天妇罗，唔会只食乌冬咁单调。环境方面，座位算阔落，但公众假期揾位比较难，附近一带属住宅区。是次二人消费11