影片
更多
2019-03-30
1802 浏览
无过嚟顺宁道探表哥一排，感觉变化好多，多咗唔同类型嘅食肆，尤其日本菜，附近都多咗几家，佢话以为顺宁道好静，依家就唔同晒，越开越多餐厅。而今晚所拣嘅「匠一面屋」就喺其中一家，开咗应该三几个月左右，正正就晌表哥屋企对面，所以，就同佢哋一家落嚟食餐晚饭。走入店内，犹如大多数拉面店咁，长形铺位，一边喺面壁嘅单人位，另一边就喺啲4人枱，简单嘅和风装修，而墙上就贴有好多拉面嘅介绍。用餐期间跟店员吹两句，先知店家卖嘅喺日本四国高知县拉面，主打豚骨汤底及鱼介拉面，后悔无试鱼介拉面。之后，先再发现原来有日本师傅晌厨房做紧菜，而开放式厨房就晌餐厅尾。其实，餐厅嘅装饰都有少少蛛丝马迹让人知道佢喺卖高知县嘅拉面，就喺只鲣鱼先生，只喺初初唔知佢嘅来头啫。此外，有啲贴心位顺带讲吓，就好似櫈下其实喺啲小柜桶嚟，让客人摆吓袋、摆吓背囊，依个设计晌唔少拉面店都有应用。另一细心位喺悬挂晌天花嘅草席，既喺装饰，又可以挡住啲冷气直足吹落头。枱上已经放有汤匙、筷子、纸巾及少少调味料，自由取用，唔使下下烦店员嘛。每张枱都有自己嘅枱号，自己点自己份，而汤分为酱油鸡骨汤及豚骨浓汤，拉面款式就前者有4款，后者有3款，定价由$65-$9
走入店内，犹如大多数拉面店咁，长形铺位，一边喺面壁嘅单人位，另一边就喺啲4人枱，简单嘅和风装修，而墙上就贴有好多拉面嘅介绍。
用餐期间跟店员吹两句，先知店家卖嘅喺日本四国高知县拉面，主打豚骨汤底及鱼介拉面，后悔无试鱼介拉面。之后，先再发现原来有日本师傅晌厨房做紧菜，而开放式厨房就晌餐厅尾。
其实，餐厅嘅装饰都有少少蛛丝马迹让人知道佢喺卖高知县嘅拉面，就喺只鲣鱼先生，只喺初初唔知佢嘅来头啫。
此外，有啲贴心位顺带讲吓，就好似櫈下其实喺啲小柜桶嚟，让客人摆吓袋、摆吓背囊，依个设计晌唔少拉面店都有应用。另一细心位喺悬挂晌天花嘅草席，既喺装饰，又可以挡住啲冷气直足吹落头。
枱上已经放有汤匙、筷子、纸巾及少少调味料，自由取用，唔使下下烦店员嘛。
每张枱都有自己嘅枱号，自己点自己份，而汤分为酱油鸡骨汤及豚骨浓汤，拉面款式就前者有4款，后者有3款，定价由$65-$98，以拉面而言，都喺大路嘅价钱。此外，其他加加减减嘅选项，去开食拉面嘅朋友都知点玩法。除拉面，店家仲有少少饭品、饺子及炸鸡供应，反而，饮品就欠缺啲卖点，唔似得出面会有啲白桃梳打、波子汽水嘅日本特色。
特制他他酱唐扬炸鸡 $28平常食拉面都会见到饺子作配搭，但今次晌度见到炸鸡，就不如试试佢。抵㖞，$28就有一篮，啱啱好有4大件俾我哋4个试，唔使让嚟让去。篮炸鸡卖相几吸引，除鸡件炸得金黄，加上特制嘅他他酱，以及洒上少少七味粉，确喺食味有点层次，而鸡肉亦比预期嫩滑。
特制他他酱唐扬炸鸡
$28
52 浏览
1 赞好
0 留言
小弟今回拣酱油鸡骨汤嘅款式，整碗拉面嘅卖相几靓仔，配有两大块紫菜及流心蛋，仲伴有青葱、白葱、笋干及木耳。
先呷口汤，有酱油香，但感觉就较猪骨汤清啲，亦无咁浆，而面条喺幼身直面，所以唔算好挂汤，但就有一道韧劲。
流心蛋好食，皆因煮到啱啱好，个蛋黄凝香软绵，甚具蛋香味。其余嘅配菜，如笋干、木耳都好食。
至于件叉烧，并唔喺卷起嚟做，而喺横切嘅猪腩肉，半肥瘦咁，最正喺炙烧过，多添一份焦香之余，入口松化有油香，却唔觉好腻。
豚骨炙烧叉烧拉面 $98表哥拣咗豚骨汤口味，同样要炙烧叉烧，所以，基本上同我𠮶碗晌外观上差唔多。佢就话个豚骨汤好浓郁，但一样唔算好浆口，感觉不俗；叉烧烧过之后更富油脂香，质感软腍松化；面条口感极具咬口，整体而言，确喺碗有水准嘅拉面。
豚骨炙烧叉烧拉面
$98
25 浏览
0 赞好
0 留言
原来表嫂都打算喺嚟食拉面，但佢话唔知喺咪晏昼食错嘢，肚仔有少少唔妥，又为免扫我哋兴，就简单要了一客炒饭。表嫂打趣咁话，好似杨州炒饭㖞，但味道几好，既炒到饭粒分明，又有好多配料，虽然细细碟，都够晒佢食。
叉烧丼 $38表姪女就又喺拣饭，因为佢见叉烧丼个名甚好奇，其实，就即喺叉烧饭，唔知将来俾唔俾加煎蛋变成日版「暗然逍晕饭」。日本嘅珍珠米向来煮出嚟嘅饭有黏糯嘅口感，半肥瘦嘅叉烧粒，搭上葱粒及白葱丝，惹味得嚟又带点清爽，虽然小弟偷食佢一羹仔，亦觉得好味。
叉烧丼
$38
23 浏览
0 赞好
0 留言
虽然上文都话过佢哋嘢食欠缺啲特色，但配拉面，饮啲冻饮就感觉特别爽。拣罐柠檬梳打，就喺想食起拉面嚟，令个人觉得更清爽。
题外话，表哥话「匠一」前身喺间居酒屋，虽然间铺就喺晌佢斜对面，但都唔知原来已经转咗手成为面目一新嘅拉面店。晌香港做饮食确喺唔易，希望有质素嘅小店可以营运落去啦！
张贴
