麵道 (已結業)

今日同朋友系石门食饭，点知塞车迟到，而原来面道的拉面系每日限量供应，当汤底卖晒就冇得食，我朋友好好彩地叫到最后两碗拉面。烧饺子(4只) - 煎得好好味，而且饺子有好多肉汁，真系令人赞不绝口。叉烧味玉酱油豚骨汤拉面 - 师父系特登等埋迟到既我到左先整，以保证新鲜，而我都系食完先知，难怪个拉面真系够新鲜够热辣，个汤底选左中味，真系香得来唔会太浓味，亦唔会太多油，平时唔太钟意饮DD汤既我都忍唔住饮左几啖。面质同样可根据个人喜好选择，适中真系唔软唔硬，照顾唔同人的需要。汤底同拉面真系冇得输。但个叉烧得两薄片，味道系好食的，可惜分量少左D，唔太够喉。溏心蛋系原只上，唔似一般系切开左得返半只蛋，而且真系好香好好味，真系好感动。朋友叫左鸡叉烧味玉鸡白汤拉面，味道都好似唔错，下次一定要试埋其他。整体而言，估唔到石门都有咁高质素的拉面馆，环境都好企理，而且价钱可以接受，真系值得再来食呢。