影片
更多
2019-06-05
2537 浏览
同啲朋友过到嚟太子「始创中心」揾食，本来原意喺去「红葱头」，但竟然遇着内部装修，继而到地库嘅「台湾面」食吓台湾嘢。近年，台菜，尤其主打台湾面嘅食店，晌香港都开咗唔少，相信竞争都几大。而「台湾面」晌好多年前都到访过荃湾店，所以，都知佢哋晌香港屹立咗好多年，能做到咁耐，自有一定嘅实力。铺面喺开放式，餐厅左边兼营外卖茶饮，喺聪明嘅做法，而用餐就晌右边。一入到去，感觉装修都颇有特色，挂有多幅大型嘅台湾夜景相，但最吸晴就梗喺放咗好多天灯嘅天花装饰啦。坐落，就见枱上嘅餐垫纸有印出多种台式小食，啱嘅，就不妨点啲试试。嚟得食晏，主要就喺睇午餐餐牌，基本上分两大类，一类喺午餐，但都分两个组别，一个喺汤面饭套餐（配是日小食），另一个喺小炒客饭套餐，定价由$55-$68，无加一，两组都配基本热饮，但就可以加钱转其他饮品。另一类就叫做双排双格餐，又喺分两组，不过就可以晌两组嘅菜式中作自由配搭，简单嚟讲就喺一个人一次过可以试到两款嘢，定价由$65-$72，同样包基本热饮，可以加钱转其他饮品。而饮品选项都好多元化，台式、沙冰、特饮、港式……等等。我哋就觉得加$4转台式饮品喺最划算嘅选择。本来，有张「走饮管」嘅单张
铺面喺开放式，餐厅左边兼营外卖茶饮，喺聪明嘅做法，而用餐就晌右边。一入到去，感觉装修都颇有特色，挂有多幅大型嘅台湾夜景相，但最吸晴就梗喺放咗好多天灯嘅天花装饰啦。
坐落，就见枱上嘅餐垫纸有印出多种台式小食，啱嘅，就不妨点啲试试。
嚟得食晏，主要就喺睇午餐餐牌，基本上分两大类，一类喺午餐，但都分两个组别，一个喺汤面饭套餐（配是日小食），另一个喺小炒客饭套餐，定价由$55-$68，无加一，两组都配基本热饮，但就可以加钱转其他饮品。
另一类就叫做双排双格餐，又喺分两组，不过就可以晌两组嘅菜式中作自由配搭，简单嚟讲就喺一个人一次过可以试到两款嘢，定价由$65-$72，同样包基本热饮，可以加钱转其他饮品。
而饮品选项都好多元化，台式、沙冰、特饮、港式……等等。我哋就觉得加$4转台式饮品喺最划算嘅选择。
本来，有张「走饮管」嘅单张夹晌餐牌度，仲讲明唔会主动俾塑胶饮管，不过，无论小弟嘅珍珠奶茶，抑或友人嘅冻饮，都一早插晒饮管，真喺上有政策，下有对策。
是日小食上文都讲过，午餐嘅汤面饭套餐类别会配上是日小食，呢次所见，就有凉拌海带丝及凉拌小青瓜，两款都做得清爽、开胃，但个人较喜欢前者，因为平常较少食嘛！
卤水鸭舌 $38随咗套餐所附带送嘅凉拌小食，我哋仲嗌咗一客卤水鸭舌试试。鸭舌其实肉唔多，纯过吓口瘾，然而，个人就觉得卤水唔喺好够入味啫。
A1. 红烧牛肉面 $62老友食得少少辣吓，点咗个红烧嘅。外观睇落已觉得好大碗吓，面底多，牛肉就更多，件件都好大条，用上半筋半肉嘅牛展位。呢个净睇相先，等阵先分享味道喺点。
A2. 台式三宝面 $66小弟多心，要款三宝面，因为除咗有牛肉，仲有牛筋同牛肚，一次过多试几款部位。同样，一样喺咁大碗，仲伴有唔少酸菜同葱花。
台式三宝面
$66
4 浏览
0 赞好
0 留言
半筋半肉嘅牛展位，炆得软腍而松化，又有肉香，够晒入味；牛肚则带点爽口感，牛筋呢？非常腍滑，却有种啜口嘅感觉，最难得喺卤得入味。
A6. 盐酥鸡扒肉燥饭 $68啲盐酥鸡扒唔喺超巨型𠮶啲，好似啲日式吉列猪扒咁形，不过，外层只用脆浆，无再沾上面包爆，但就一样咁脆口，而且，层脆浆都做得几够薄；鸡扒入口肉嫩多汁，唔会又干又嚡，食食哋认真唔错。鸡扒之下，仲有啲肉燥，用佢拌饭，令味道变得更香。
B1. 甜酸糖醋鱼块 $62如果点小炒客饭套餐，会包一碗例汤，是日例汤喺合掌瓜，友人话普普通通咁啦。至于个甜酸糖醋鱼块，以一人份量而言，鱼块真喺有唔少，质感嫩滑，糖醋嘅甜酸度啱啱好，唔太呛喉。
宝岛珍珠奶茶 +$4上文都讲转饮台式饮品最抵换，而当中就以珍珠奶茶喺最心水。茶底几香，口感醇厚，珍珠口感烟韧，难得师傅无手紧，底下有唔少珍珠。
咸柑桔话梅蜜 +$4呢杯唔喺冻柠茶，而喺咸柑桔话梅蜜，友人话好唔错㖞，咸柑桔嘅味道好出，再饮落，慢慢渗出话梅嘅酸甜味道，感觉非常好，揾盐酥鸡扒喺晒夹得到。
金桔柠檬蜜 +$4友人简单两个字总结咗杯嘢嘅水平，就喺：好流，感觉好似糖水沟出嚟，实际就唔知啦，但味道确喺好普通。
椰香芝麻奶露 +$4
友人话对呢杯芝麻奶露好有期望架，只不过，饮到尾都觉得无乜椰子味，反倒芝麻味就几OK。但有一点值得一赞，佢哋嘅冻饮，喺唔加冰，唔会越饮越淡，故亦唔会过于太冰冻。
见佢个主餐牌都唔喺好大份，又放埋晌枱面，影埋出嚟俾大家参考吓。
无论食物或饮品，都有好有唔好，未做到样样皆精，仍有唔少改善空间，所以，整体嚟讲，算喺咁啦。但服务，就属中下，啲高级嘅求其摆低啲嘢食就走咗去，问多句喺乜都好似好唔耐烦咁，汗颜，我哋只好面面相觑，反而，低层啲嘅店员仲有礼貌好多。
张贴
