營豐海南雞專門店 (已結業)

喺西湾河近太安楼嘅街市开咗间新嘅海南鸡专门店，可以买切鸡或者饭盒，唔啱嘅话都有猪扒鸡翼呢啲选择，$40做到双拼。佢哋招牌系去骨海南鸡饭，另外仲有文昌鸡、口水鸡...... 钟意辣嘅人可以试吓佢哋嘅口水鸡饭。酱汁比较浓稠，够咸够麻，应该落咗唔少花椒同面豉，可能同我哋食开嘅红油or麻酱type有啲唔同，但味道唔错。鸡肉已经调好味，而酱汁捞油饭一流。食埋底下嘅酸红白萝卜可以解辣。饭一律跟餐送mini汽水/例汤。店入面仲有卖唔同小食，例如炸鸡球、香茅猪扒、卤水牛筋、猪手...... 款式几多元化。小食适合屋企饭加𩠌或者开party。仲见到有捞檬、咖喱饭呢啲比较少喺呢类店见到嘅菜式，想有新意啲都可以try try。